Внимание! Сайт переехал.

Новый адрес http://smolenskiysobor.ru/

АКАФИСТ ПРЕПОДОБНОМУ АВРААМИЮ,
СМОЛЕНСКОМУ ЧУДОТВОРЦУ

Кондак 1

Взбранный угодниче Христов и чудотворче предивный, в житии твоем освящен от утробы матерни наставляти люди на путь Христова смирения и ныне, со ангелы предстояй престолу Божию, сподоби нас восхвалити тя песньми с любовию, да молитвами твоими от всяких бед и скорбей избавлени зовем ти:

РАДУЙСЯ, ПРЕПОДОБНЕ ОТЧЕ АВРААМИЕ, СМОЛЕНСКИЙ ЧУДОТВОРЧЕ.

Икос 1

Ангелов сожитель и человек заступник воистину явился еси, преподбне отче Авраамие, благоволением всех Творца Христа Бога, Его же возлюбил еси от юности и за Него же претерпел еси клеветы вражия. Темже приими от нас сия хваления:

РАДУЙСЯ, ЗВЕЗДО ПРЕСВЕТЛАЯ БЛАГОЧЕСТИЯ.
РАДУЙСЯ, СВЕТИЛО, ВО ТЬМЕ НЕЧЕСТИЯ ПРЕСЛАВНО ВОЗСИЯВШЕЕ.
РАДУЙСЯ, КЛЕВЕТНИКОВ ОБЛИЧИТЕЛЮ.
РАДУЙСЯ, ХРИСТОВЫ ВЕРЫ НЕБОЯЗНЕННЫЙ ПРОПОВЕДНИЧЕ.
РАДУЙСЯ, ЕВАНГЕЛЬСКОГО УЧЕНИЯ ДОБЛИЙ ПОСЛЕДОВАТЕЛЮ.
РАДУЙСЯ, ЗАКОНА ГОСПОДНЯ ТЕПЛЕЙШИЙ ХРАНИТЕЛЮ.
РАДУЙСЯ, ЖИЗНЬ ВРЕМЕННУЮ ПРЕМЕНИВЫЙ НА СОКРОВИЩЕ ВЕЧНОЕ НЕБЕСНОЕ.
РАДУЙСЯ, УЧЕНИЯ ХРИСТОВА БИСЕР МНОГОЦЕННЫЙ СТЯЖАВЫЙ.
РАДУЙСЯ, ХРИСТОВЫМ УЧЕНИЕМ ДУШУ ТВОЮ ПРОСВЕТИВЫЙ.
РАДУЙСЯ, УДОСТОИВЫЙСЯ БЛАГОДАТНОГО ОСЕНЕНИЯ СВЫШЕ.
РАДУЙСЯ, ЯВИВЫЙСЯ ДОБРОДЕТЕЛЕЙ ЖИЛИЩЕ ЧИСТОТОЮ ПРЕУКРАШЕННОЕ.
РАДУЙСЯ, ДУХА СВЯТАГО ОБИТЕЛЬ IIРЕКРАСНАЯ.

РАДУЙСЯ, ПРЕПОДОБНЕ ОТЧЕ АВРААМИЕ, СМОЛЕНСКИЙ ЧУДОТВОРЧЕ.

Кондак 2

Видя Христос Господь душу твою к приятию благодати чистотою и милостынею предуготованную, светом познания Своего просвети тя от юности и показа тя проповедника благочестия преизрядна и твоя добродетели помянув любомилосердно, спасаемых части сотвори тя общника в небесном царствии, идеже со ангелы поеши Пресвятей Троице песнь: АЛЛИЛУИА.

Икос 2

Разум богопросвещенный даровася тебе, святе Авраамие, имже ясно проразумел еси тщету душепагубную жития привременнаго и онаго уклонитися, Христа же взыскати потщался еси вседушно. Темже взываем ти:

РАДУЙСЯ, БЛАЖЕННЫЙ ПОСЛЕДОВАТЕЛЮ ХРИСТОВ.
РАДУЙСЯ, ЛЮБИТЕЛЮ ЗАПОВЕДЕЙ ЕГО ПРЕИСКРЕННИЙ.
РАДУЙСЯ, КРИНЕ БЛАГОУХАННЫЙ РАЯ ПРЕВЫШНЯГО.
РАДУЙСЯ, ЦВЕТЕ ПРЕКРАСНЫЙ ВЕРТОГРАДА ИИСУСОВА.
РАДУЙСЯ,БОГАТСТВО ЗЕМНОЕ НИ ВО ЧТО ЖЕ ВМЕНИВЫЙ;
РАДУЙСЯ, СТЯЖАНИЯ ТЛЕННАЯ ПРЕЗРЕВЫЙ.
РАДУЙСЯ, ХРАМЫ БОЖИИ И НИЩИЯ УДОВЛИВЫЙ.
РАДУЙСЯ, РУКАМИ УБОГИХ СОКРОВИЩА ТВОЯ ГОРЕ ПРЕДПОСЛАВЫЙ.
РАДУЙСЯ, ЯКО НЕ УКЛОНИЛСЯ ЕСИ В СЕТЬ ЛЮБОСТЯЖАНИЯ.
РАДУЙСЯ, ЯКО НЕУЛОВИМ ПРЕБЫЛ ЕСИ МРЕЖЕЮ СРЕБРОЛЮБИЯ.
РАДУЙСЯ, МУДРЫЙ КУПЕЦ ЦАРСТВИЯ НЕБЕСНАГО.
РАДУЙСЯ, ВЕРНЫЙ РАБЕ, ДАННЫЙ ТЕБЕ ТАЛАНТ УСУГУБИВЫЙ.

РАДУЙСЯ, ПРЕПОДОБНЕ ОТЧЕ АВРААМИЕ, СМОЛЕНСКИЙ ЧУДОТВОРЧЕ.

Кондак 3

Сила Вышняго укрепи тя на подвиг проповеднический, блаженне Авраамие: не терпя бо видети пагубу душ человеческих, ревностию разжеглся еси о Бозе живе и поучая еси приходящих к тебе благочестне проводити житие и не отступати от заповедей Христа и звати Ему:
АЛЛИЛУИА.

Икос3

Имуще духом злобы помраченный ум, не восхотеша людие Смоленстии приникнути в разум словес твоих духоносных, но клеветы на тя воздвигше призваша тя на судище. Мы же ублажающе терпение твое, глаголем:

РАДУЙСЯ, ХРИСТА ВСЕДУШНО ВОЗЛЮБИВЫЙ.
РАДУЙСЯ, К НЕМУ ЛЮБОВЬ ВО ИСПОВЕДАНИИ ЯВИВЫЙ.
РАДУЙСЯ, АПОСТОЛОМ ПОРЕВНОВАВЫЙ,
РАДУЙСЯ, ОРГАН СВЯТАГО ДУХА БЫВЫЙ.
РАДУЙСЯ, БЛАГОВЕСТИЯ ЕВАНГЕЛЬСКАГО УСТА БОГОГЛАГОЛИВАЯ.
РАДУЙСЯ, СЛОВЕСА ЖИЗНИ ВЕЧНЫЯ ПРОВЕЩАЯЙ.
РАДУЙСЯ, ПОНОШЕНИЕ ЗА ПРЕСЛАДКАГО ТИ ИИСУСА ВЕСЕЛЯСЯ ПРЕТЕРПЕВЫЙ.
РАДУЙСЯ, ПОРУГАНИЕ И ДОСАЖДЕНИЕ ЗА НЕГО БЛАГОДУШНО СО СМИРЕНИЕМ ВОСПРИЯВЫЙ.
РАДУЙСЯ, ЯКО ВО ИСПОВЕДАНИИ ХРИСТОВЕ НЕПОКОЛЕБИМ ПРЕБЫЛ ЕСИ.
РАДУЙСЯ, НАВЕТЫ ВРАЖИЯ ЯКО ПАУЧИНУ ПОТРЕБИВЫЙ.
РАДУЙСЯ, СВЯТЧЕ БОЖИЙ, В МУЖЕСТВЕ НЕОДОЛЕННЫЙ.
РАДУЙСЯ, ДОБРОПОБЕДНИЧЕ В ТЕРПЕНИИ НЕПРЕКЛОННЫЙ.

РАДУЙСЯ, ПРЕПОДОБИЕ ОТЧЕ АВРААМИЕ, СМОЛЕНСКИЙ ЧУДОТВОРЧЕ.

Кондак 4

Бурею злобы дышуще, не терпяще твоего обличения людие Смоленстии всечастно терзаху тя, яко агнца незлобива зверие дивии, покушающеся отвратити жаждущих твоея проповеди евангельския, но ничтоже успеша омраченнии, силою бо свыше укрепляемь, посрамил еси оных ухищрение, немолчно проповедуя Христа и единаго Творца Бога и вопия Ему:
АЛЛИЛУИА.

Икос 4

Слышав увещательныя твоя глаголы к людем Смоленским, Авраамие святе, гонители твои беззаконнии прещаху стражею жаждущим твоих словес послушати. Мы же,дивящеся величеству проповедания твоего, зовем ти:

РАДУЙСЯ, УЧИТЕЛЮ БЛАГОЧЕСТИЯ.
РАДУЙСЯ, ПОСРАМИТЕЛЮ НЕЧЕСТИЯ.
РАДУЙСЯ, СЛОВЕСАМИ БЛАГОДАТИ, ЯКО УТВАРЬЮ МНОГОЦЕННОЮ ЦЕРКОВЬ, УКРАШЕННЫЙ.
РАДУЙСЯ, НИ ВО ЧТО ЖЕ ЗЛОРЕЧИЕ ВМЕНИВЫЙ.
РАДУЙСЯ, ТВОЕЮ ТВЕРДОСТИЮ ГОНИТЕЛИ СОКРУШИВЫЙ.
РАДУЙСЯ, ЗА ПРЕЛЮБЕЗНАГО ТИ ИИСУСА ВСЯ ВРАЖИЯ УХИЩРЕНИЯ РАЗРУШИВЫЙ.
РАДУЙСЯ, ИСПОВЕДАНИЕМ НА СУДЕ СОЧЕТАВЫЙСЯ ХРИСТУ РАСПЯТОМУ.
РАДУЙСЯ, ЛИКОВСТВУЯЙ В ЧЕРТОЗЕ НЕБЕСНАГО ДОМОВЛАДЫКИ.
РАДУЙСЯ, У ПРЕСТОЛА БОЖИЯ ПРЕДСТОЯЙ С ГОРНИМИ СИЛАМИ.
РАДУЙСЯ, ОТКРОВЕННЫМ ЛИЦЕМ СОЗЕРЦАЯЙ СЛАВУ ТРИСИЯННАГО БОЖЕСТВА.
РАДУЙСЯ, ОТ РАЙСКИХ ВЫСОТ ПРИНИКАЯЙ БЛАГОСЕРДИЕМ ТВОИМ К НАМ ЗЕМНОРОДНЫМ,
РАДУЙСЯ, СПАСАЯЙ ОТ БЕД ВЕРУ И ЛЮБОВЬ К ТЕБЕ ИМУЩИХ.

РАДУЙСЯ, ПРЕПОДОБНЕ ОТЧЕ АВРААМИЕ, СМОЛЕНСКИЙ ЧУДОТВОРЧЕ.

Кондак 5

Богомудрым проповедником апостолом подражал еси, святе Авраамие, вопия: Христа чту, единаго же Его люблю и проповедати людем преискренне желаю, сердцем и усты воспевая Ему: АЛЛИЛУИА.

Икос 5

Видевше тя непреклонна и непобедима проповедника Христова Евангелия, устоявша противу казни вражия и доблестно претерпевша прещение святителя, внегда удалился еси во обитель Богородицы, вопием ти:

РАДУЙСЯ, ИСПОВЕДНИЧЕ ХРИСТОВ НЕПОБЕДИМЫЙ.
РАДУЙСЯ, АДАМАНТЕ ТЕРПЕНИЯ КРЕПЧАЙШИЙ.
РАДУЙСЯ, НОВЫЙ ПРОПОВЕДНИЧЕ БЛАГОЧЕСТИЯ.
РАДУЙСЯ, ДРЕВНИМ ПОДРАЖАТЕЛЮ РАВНОЧЕСТНЫЙ.
РАДУЙСЯ, ЧУДОТВОРЕНИЯ БЛАГОДАТИЮ ОТ ГОСПОДА ОБОГАЩЕННЫЙ,
РАДУЙСЯ, ЦЕЛЕБ ПОДАТЕЛЮ ВСЕБЛАГИЙ.
РАДУЙСЯ, ВО БЛАГОУХАНИИ СВЯТЫНИ ПОЧИВАЯЙ.
РАДУЙСЯ, АРОМАТЫ РАЙСКИМИ ОБЛАГОУХАЯЙ ДУШИ ВЕРНЫХ.
РАДУЙСЯ, ИСТОЧНИЧЕ ДАРОВ МНОГОРАЗЛИЧНЫХ.
РАДУЙСЯ, РЕКО ПРИСНОТЕКУЩАЯ ЧУДЕС.
РАДУЙСЯ, МИЛОСЕРДИЯ К СТРАЖДУЩИМ СОКРОВИЩЕ НЕИСТОЩИМОЕ,
РАДУЙСЯ, БОЛЯЩИХ ВРАЧЕВСТВО НЕОСКУДНОЕ.

РАДУЙСЯ, ПРЕПОДОБНЕ ОТЧЕ АВРААМИЕ, СМОЛЕНСКИЙ ЧУДОТВОРЧЕ.

Кондак 6

О неизреченная премудрость Божия! Ихже Бог предустави, тех и призва: ихже призва, сих и оправда: а ихже оправда, сих и прослави: на тебе, святче Божий, сбысться сие слово апостола. Видя Господь, яко избран еси сосуд и Сына Божия Христа проповедал еси, претерпев за Него клеветы, сотвори тя славна чудесы, яже показуеши всем чтущим любовию святую память твою и вопиющим Богу: АЛЛИЛУИА.

Икос 6

Возсиял еси преславно чудотворения лучами, умолив Господа, яко древний Илия, напоити дождем жаждущую землю Смоленскую и по явлении мощей твоиx, святе Авраамие, во граде Смоленске, показуя людем свое неизреченное милосердие, прибегающим к твоей многоцелебной раце и святей иконе, юже обстояще вопием ти:

РАДУЙСЯ, ГРАДА НАШЕГО ПОХВАЛО И УТВЕРЖДЕНИЕ,
РАДУЙСЯ, ОБИТЕЛИ СПАСОВЫ, В НЕЙ ЖЕ ПОЧИЛ ЕСИ, ПРИСНОЕ ЗАСТУПЛЕНИЕ.
РАДУЙСЯ, ПОДВИЗАЮЩИМСЯ В НЕЙ БЛАГОДАТНОЕ ВСПОМОЖЕНИЕ.
РАДУЙСЯ, ОНЫХ ПОКРОВЕ И ЗАЩИЩЕНИЕ.
РАДУЙСЯ, НЕДУГУЮЩИХ СКОРЫЙ ЦЕЛЕБНИЧЕ,
РАДУЙСЯ, УНЫВАЮЩИХ БЛАГОНАДЕЖНОЕ ВОЗБУЖДЕНИЕ.
РАДУЙСЯ, СКОРБЯЩИХ УТЕШЕНИЕ,
РАДУЙСЯ, НИЩИХ БОГАТСТВО.
РАДУЙСЯ, БОЛЯЩИХ ИСЦЕЛЕНИЕ.
РАДУЙСЯ, ИЗНЕМОГАЮЩИХ УКРЕПЛЕНИЕ.
РАДУЙСЯ, РЕВНУЮЩИХ О БЛАГОЧЕСТИИ ПОМОЩНИЧЕ,
РАДУЙСЯ, ПРЕБЫВАЮЩИХ В ПОСТЕ И РАДУЙСЯ, СКОРБЯЩИХ УТЕШЕНИЕ,
РАДУЙСЯ, НИЩИХ БОГАТСТВО.
РАДУЙСЯ, БОЛЯЩИХ ИСЦЕЛЕНИЕ.
РАДУЙСЯ, ИЗНЕМОГАЮЩИХ УКРЕПЛЕНИЕ.
РАДУЙСЯ, РЕВНУЮЩИХ О БЛАГОЧЕСТИИ ПОМОЩНИЧЕ,
РАДУЙСЯ, ПРЕБЫВАЮЩИХ В ПОСТЕ И МОЛИТВЕ СПОСПЕШНИЧЕ.

РАДУЙСЯ, ПРЕПОДОБНЕ ОТЧЕ АВРААМИЕ, СМОЛЕНСКИЙ ЧУДОТВОРЧЕ.

Кондак 7

Хотя Человеколюбец Господь явити обилие щедрот Своих в стране Смоленстей, дарова нам тебе угодника и молитвенника Богоприятнаго, чудес благодать источающа и недужных безмездно врачующа: темже благодарим тобою благодеющаго нам Господа и светло празднуем память твою с любовию к раце мощей твоих припадающе и Христу зовуще: АЛЛИЛУИА.

Икос 7

Новаго тя Христова исповедника и чудотворца славнаго любовию ублажаем и радующеся глаголем:

РАДУЙСЯ, ДЕННИЦЕ ЛУЧЕЗАРНАЯ ЗЕМЛИ СМОЛЕНСКИЯ.
РАДУЙСЯ, ЛУЧЕ НЕМЕРЦАЮЩИЙ СОЛНЦА ПРАВДЫ ХРИСТА.
РАДУЙСЯ, УГОДНИЧЕ ГОСПОДЕНЬ, ПРЕДИВНЫЙ В ЧУДЕСЕХ.
РАДУЙСЯ, ПРАВЕДНИЧЕ ПРОСЛАВЛЕННЫЙ НА НЕБЕСИ И НА ЗЕМЛИ.
РАДУЙСЯ, НЕТЛЕНИЕМ МОЩЕЙ ТВОИХ В ИСТИНЕ ВОСКРЕСЕНИЯ МЕРТВЫХ УВЕРЯЯЙ.
РАДУЙСЯ, ОБРАЗ БЕЗСМЕРТИЯ В СМЕРТНЕМ ТЕЛЕСИ ПОКАЗУЯЙ.
РАДУЙСЯ, ЯКО ТЕБЕ ДАНА БЫСТЬ БЛАГОДАТЬ ЗА НЫ МОЛИТИСЯ И ВОЗБУЖДАТИ НАС КО БЛАГИМ ДЕЛАМ.
РАДУЙСЯ, ЯКО ПО ПРЕСТАВЛЕНИИ ТВОЕМ БЛАГОДЕЯНИЕ ПРОСЯЩИМ ПОДАВАЕШИ.
РАДУЙСЯ, ОТ СМЕРТОНОСНЫХ ЯЗВ И БОЛЕЗНЕЙ ПРИТЕКАЮЩИЯ К ТЕБЕ СОХРАНЯЯЙ.
РАДУЙСЯ, БЕДСТВУЮЩИМ И ОБИДИМЫМ ПОМОГАЯЙ.
РАДУЙСЯ, БОГОЛЮБИВЫХ ДУШ НЕПОСТЫДНОЕ УПОВАНИЕ.
РАДУЙСЯ, ЛЮБЯЩИХ ТЯ ПРИСНОЕ УТЕШЕНИЕ.

РАДУЙСЯ, ПРЕПОДОБНЕ ОТЧЕ АВРААМИЕ, СМОЛЕНСКИЙ ЧУДОТВОРЧЕ.

Кондак 8

Странно есть видети мертвенное тело, жизнь присносущную являющее, во гробе лежащее и недуги врачующее: но веруем несомненно, угодниче Христов Авраамие, яко мощами твоими святыми, аще и сокровенными, почиваяй зде и духом твоим не отлучаешися от нас недостойных, честную память твою с любовию почитающих и пред святою твоею иконою Христу благодарно зовущих: АЛЛИЛУИА.

Икос 8

Весь в вышних еси, святче Божий Авраамие, во светлости святых торжествуеши и наслаждаешися неизреченных благ небесных: вемы же, яко и нас земных и перстных не забываеши; но от горних высот милостивно к нам приникаеши, подвизая нас чествовати тя сими похвалами:

РАДУЙСЯ, БЛАГОЧЕСТИЯ УТВЕРЖДЕНИЕ.
РАДУЙСЯ, ПРАВОСЛАВИЯ ПОХВАЛО.
РАДУЙСЯ, ЗЕМЛИ РОССИЙСКИЯ БЛАГОДАТНОЕ ОСЕНЕНИЕ,
РАДУЙСЯ, ГРАДА СМОЛЕНСКА СВЕТЛОЕ РАДОВАНИЕ.
РАДУЙСЯ, МНОГОПЛОДНАЯ РОЗГО ВИНОГРАДА ХРИСТОВА,
РАДУЙСЯ, ГРАЖДАНИНЕ ГОРНЯГО ГРАДА ИЕРУСАЛИМА НЕБЕСНАГО.
РАДУЙСЯ, В ПРЕСЛАВНОМ ЛИКЕ ПРЕПОДОБНЫХ ПРЕБЫВАЯЙ.
РАДУЙСЯ, РАЯ ЖИТЕЛЮ ВСЕБЛАЖЕННЫЙ.
РАДУЙСЯ, ЦАРСТВИЯ ХРИСТОВА НАСЛЕДНИЧЕ.
РАДУЙСЯ, ВЕЧНЫЯ БЛАЖЕННЫЯ ЖИЗНИ СОПРИЧАСТНИЧЕ.
РАДУЙСЯ, ПРИБЕЖИЩЕ НАШЕ И ЗАЩИЩЕНИЕ,
РАДУЙСЯ, СКОРОЕ И БЕЗМЕЗДНОЕ НЕДУГОВ ВРАЧЕВАНИЕ.

РАДУЙСЯ, ПРЕПОДОБИЕ ОТЧЕ АВРААМИЕ, СМОЛЕНСКИЙ ЧУДОТВОРЧЕ.

Кондак 9

Вси ангели небеснии радостно восприяша тя во обители райския, Богомудре отче Авраамие, идеже святая твоя душа почесть победную восприя от Христа Спасителя, праведнаго мздовоздаятеля подвизающихся за имя святое Его на земли: прославляя бо их на небеси, с горними лики сподобляет предстояния у престола Своего, да поют Ему немолчно: АЛЛИЛУИА.

Икос 9

Витийством злочестивым и прельщением лукавым неуловлен пребыл еси, отче Авраамие, егда предстал еси на суд святительский земли Смоленския, темже яко добляго исповедника Христова ублажаем тя и зовем:

РАДУЙСЯ, ПРЕЧУДНОЕ МУЖЕСТВО ЯВИВЫЙ, ОТРАЖАЯ НАВЕТЫ ВРАЖИЯ.
РАДУЙСЯ, ПРОСВЕЩЕННЫЙ ЗАРЕЮ ПРЕСВЯТАГО ДУХА.
РАДУЙСЯ, ЯКО СТРАХ МАЛОДУШНЫЙ ПРЕД СУДИЩЕМ ОТ СЕБЕ ОТРЯСЛ ЕСИ.
РАДУЙСЯ, ЯКО ЩИТОМ ВЕРЫ ОГРАДИЛСЯ ЕСИ.
РАДУЙСЯ, НЕУМОЛКАЮЩИЙ БЛАГОВЕСТНИЧЕ СИЛЫ БОЖИЯ.
РАДУЙСЯ, НЕУТОМИМЫЙ ИСПОВЕДНИЧЕ ЕВАНГЕЛЬСКИЯ ИСТИНЫ.
РАДУЙСЯ, ИСТИННЫЙ ПОКЛОННИЧЕ ДУХОМ И ИСТИНОЮ КЛАНЯЯЙСЯ ТВОРЦУ.
РАДУЙСЯ, МУЖУ ЖЕЛАНИЙ ДУХОВНЫХ.
РАДУЙСЯ, ВЗЫСКАВЫЙ ХРИСТА, ОТРИНУВ МИРСКУЮ ПРЕЛЕСТЬ.
РАДУЙСЯ, СТРАННИКИ И НИЩИЯ ПИТАВЫЙ ОТ ТРУДОВ СВОИХ ПРАВЕДНЫХ.
РАДУЙСЯ, ЕЛЕЕМ МИЛОСТИ УМАЩЕННАЯ ГЛАВО.
РАДУЙСЯ, ГОРО ДОБРОДЕТЕЛЕЙ.

РАДУЙСЯ, ПРЕПОДОБИЕ ОТЧЕ АВРААМИЕ, СМОЛЕНСКИЙ ЧУДОТВОРЧЕ.

Кондак 10

Спастися нам преискренне желая, молишися за нас горе у престола Божия, угодниче Христов Авраамие, и твоими молитвами пособствуеши нам в странствии многотруднем земнаго жития, еже в покаянии и благочестии скончати да сподобимся и с тобою воспевати Христу и Богу Отцу со Святым Духом: АЛПИЛУИА.

Икос 10

Стену защищения имуще твоя святыя молитвы, Авраамие чудне, радуемся грешнии и чтем любовию память твою, зовуще:

РАДУЙСЯ, ВЕЛИКОИМЕНИТЫЙ НАШ ЗАСТУПНИЧЕ.
РАДУЙСЯ, НЕБОЖИТЕЛЮ БОГОПРОСВЕЩЕННЫЙ.
РАДУЙСЯ, ЧУДОТВОРЦЕ ДИВНЫЙ И МИЛОСТИВЫЙ.
РАДУЙСЯ, БЛАГИЙ ПОСЛУШАТЕЛЮ СУЩИХ В СКОРБЕХ.
РАДУЙСЯ ПРЕДВАРЯЯЙ ПРИЗЫВАЮЩИЯ ТЯ В БЕДАХ.
РАДУЙСЯ, ПРИВОДЯЩИЙ ГРЕШНЫЯ КО ИСПРАВЛЕНИЮ.
РАДУЙСЯ, МИРО ВРАЧЕБНОЕ НЕДУГОМ МНОГОРАЗЛИЧНЫМ.
РАДУЙСЯ, НЕ ТОКМО ТЕЛЕСНЫХ, НО И ДУШЕВНЫХ БОЛЕЗНЕЙ ИЗРЯДНЫЙ ЦЕЛИТЕЛЮ.
РАДУЙСЯ, ДУХОВ НЕЧИСТЫХ ОТ ЧЕЛОВЕКОВ ПРОГОНИТЕЛЮ.
РАДУЙСЯ, ДАРОВ БЛАГОДАТНЫХ НЕЗАВИСТНЫЙ ПОДАТЕЛЮ.
РАДУЙСЯ, БЛАГОУХАНИЕМ СВЯТЫНИ ТВОЕЯ УСЛАЖДАЯЙ ДУШИ НАША.
РАДУЙСЯ, ЧУДЕСЫ ТВОИМИ УТВЕРЖДАЯЙ НАС ВО ИСТИНЕ СВЯТЫЯ ПРАВОСЛАВНЫЯ ВЕРЫ.

РАДУЙСЯ, ПРЕПОДОБИЕ ОТЧЕ АВРААМИЕ, СМОЛЕНСКИЙ ЧУДОТВОРЧЕ.

Кондак 11

Пение молебное и похвалу сию смиренную не презри, отче Авраамие, се бо верою и любовию к тебе подвизаеми, соборне обстояще образ твой святый, ублажаем тя, заступника нашего, и слезно просим: молися за ны ко Господу, к Нему же имаши невозбранное дерзновение и твоих молитв благодатное действо, да благодарив зовем Ему дивному во святых: АЛЛИЛУИА.

Икос 11

Светоносным тройческим сиянием горе озаренный, Авраамие святе, просвети и наша сердца, тьмою греховною покровенная: да елеем благих дел возжегше угасшия наша светильники, сподобимся брачнаго Христова Чертога, идеже ты вселяешися со святыми и слышиши от нас сия благохваления:

РАДУЙСЯ, ОТ БОГА ДАННЫЙ ПОКРОВИТЕЛЮ.
РАДУЙСЯ, АНГЕЛОПОДОБНЫЙ ЧЕЛОВЕЧЕ.
РАДУЙСЯ, УСТРОИТЕЛЮ ОБИТЕЛИ НАШЕЯ.
РАДУЙСЯ, ПРОПОВЕДНИЦЕ НЕУТОМИМЫЙ.
РАДУЙСЯ, ЯКО РУКА ТВОЯ ИЗОБИЛЬНО ПОМОГАШЕ ОБИТЕЛИ ТВОЕЙ СКУДНОЙ.
РАДУЙСЯ, ЯКО МУДРЕ РАСТОЧАЛ ЕСИ БОГАТСТВО ТЛЕННОЕ, ТЕКУЩЕЕ К ТЕБЕ.
РАДУЙСЯ, ПРЕМЕНИВЫЙ ОНОЕ НА НЕТЛЕННАЯ БЛАГА НЕБЕСНАЯ.
РАДУЙСЯ, НАСЛАЖДАЯЙСЯ БЛАЖЕНСТВА МИЛОСТИВЫХ.
РАДУЙСЯ, ПРЕДСТОЯЙ АГНЦУ БОЖИЮ В ЛИКЕ ПРЕПОДОБНЫХ.
РАДУЙСЯ, ЛИКОВСТВУЯЙ В СЕЛЕНИИ ПРАВЕДНЫХ.
РАДУЙСЯ, В ЖИТИИ ТВОЕМ МУДРОСТЬ ЧУДНУЮ ЯВИВЫЙ.
РАДУЙСЯ, ИНОКОВ ОБИТЕЛИ СВОЕЯ ДОБРЕ УПРАВИВЫЙ.

РАДУЙСЯ, ПРЕПОДОБИЕ ОТЧЕ АВРААМИЕ, СМОЛЕНСКИЙ ЧУДОТВОРЧЕ.

Кондак 12

Благодать и милость испроси нам у Христа и Спасителя нашего, святе и славне отче Авраамие: веруем бо несомненно, яко еже просиши, дарует ти всеблагий Владыка: темже и о нас грешных не престай умоляти Его благосердие и испроси нам дар коемуждо благопотребен, да зовем всех благих виновнику и подателю Богу: АЛЛИЛУИА.

Икос 12

Поем твоя апостольския труды, величаем твое ангельское терпение и незлобие, славим от сокровенных мощей твоих токи чудес, ихже источаеши непрестанно, подвизая нас звати тебе:

РАДУЙСЯ, АРХАНГЕЛОВ И АНГЕЛОВ СОСЛУЖИТЕЛЮ.
РАДУЙСЯ, ПАТРИАРХОВ И ПРОРОКОВ СПРЕДСТОЯТЕЛЮ.
РАДУЙСЯ, АПОСТОЛОВ ЕДИНОРЕВНИТЕЛЮ.
РАДУЙСЯ, ПОДВИЖНИКОВ КРАСОТО.
РАДУЙСЯ, СВЯТИТЕЛЕЙ И ПРЕПОДОБНЫХ СОБЕСЕДНИЧЕ.
РАДУЙСЯ, ПРАВЕДНЫХ И ВСЕХ СВЯТЫХ СОЖИТЕЛЮ.
РАДУЙСЯ, ЯКО СВЫШЕ ЧУДЕС ДЕЙСТВОМ УКРАСИЛСЯ ЕСИ.
РАДУЙСЯ, В ЧЕСТНЫХ И МНОГОЦЕЛЕБНЫХ МОЩАХ СВОИХ С НАМИ ПРЕБЫВАЯЙ.
РАДУЙСЯ, И ДУХОМ ТВОИМ НИКОЛИЖЕ ОТ НАС РАЗЛУЧАЯЙСЯ.
РАДУЙСЯ, ОТРАДО НАША И В СКОРБЕХ УТЕШЕНИЕ.
РАДУЙСЯ, НЕДУГУЮЩИХ ИСЦЕЛЕНИЕ.
РАДУЙСЯ, СОГРЕШАЮЩИХ ИСПРАВЛЕНИЕ.

РАДУЙСЯ, ПРЕПОДОБИЕ ОТЧЕ АВРААМИЕ, СМОЛЕНСКИЙ ЧУДОТВОРЧЕ.

Кондак 13

О преславный угодниче Христов и чудотворче Смоленския земли Авраамие, милостивно прием сие малое моление наше тебе приносимое, умоли Царя царствующих и Господа господствующих, Христа Бога нашего, избавити нас от всякия скорби и нужды в жизни сей и мучений вечных по кончине нашей, да сподобимся в царствии небеснем вкупе с тобою пеги Богу: АЛЛИЛУИА.

(Сей кондак читается трижды. Затем читается икос первый: Ангелов сожитель и человеков заступник... И снова первый кондак: Избранный угодниче Христов...)

МОЛИТВА
ПРЕПОДОБНОМУ АВРААМИЮ СМОЛЕНСКОМУ

О великий отче Авраамие, доблий подвижнице Христов, в скорбех и напастех преславный наш помощниче и защитниче!
Ничтоже возможе отлучити тя от любве ко Господу Иисусу: ни гонения, ни клеветы, ни прещения врагов твоих: ты яко лев, изшел еси на брань против волков мысленных, духов злобы, подвигших на тя, ради добраго твоего исповедания, единоплеменный тебе народ Смоленский и яко огненная стрела поразил еси твоих гонителей силою благодати Святаго Духа и крепкия любви твоея к Богу и, яко орел, воспарил еси в горния обители Отца небеснаго, наследовав тамо вечную жизнь, славу и блаженство неизреченное.
Веруем, святче Божий, яко предстоя со ангелы и всеми святыми престолу славы триипостаснаго Бога, усердныя и Богоприятныя возносиши молитвы не токмо о святей обители сей, тобою устроенной, и о граде нашем Смоленске, но и о всей святей Христовой церкви, и о державе Российстей.
Веруем, преславный чудотворче, яко ты, силою всемогущаго Господа Иисуса Христа, еще жив сый, умолил еси напоити жаждущую за грехи людей землю Смоленскую обильным дождем и по успении своем источаеши обильныя дары благодатныя помощи во спасение всем с верою к тебе прибегающим и молящимся тебе, наипаче же испрашиваеши кончину с покаянием почитающим тебе, да вси от мала до велика единодушно прославляем неисповедимое величие благости Божией.
Темже с верою и любовию припадающе и благоговейно лобызающе святую икону твою, умоляем тя, добрый на небеси наш молитвенпиче и заступниче, помогай нам грешным и смиренным твоими молитвами во всех скорбех, нуждах и обстояниях наших, сохраняй нас и святую сию обитель твою и град сей Смоленск и вся православныя Христианы Российския страны от всякаго зла и всякия напасти, наипаче же споспешествуй вечному нашему спасению и всех просящих твоея помощи и заступления.
Угодниче Божий, преподобие отче Авраамие, моли Христа Спасителя нашего, да даст Он мир и тишину всем православным Христианом и да отвратит от нас всякий гнев на ны движимый, да избавит нас от сетей вражиих, томления во узах греха и мучений адских, и да сподобит нас недостойных и грешных стати одесную Его на суде Его праведном и внити в вечный покой святых Его, идеже празднующих глас непрестанный и неизреченная сладость зрящих доброту лица Его: и тако возможем с тобою и всеми святыми бесконечно славити Троицу единосущную и нераздельную во веки веков. Аминь.

Тропарь, глас 8

Днесь возсия нам память твоя славне, яко солнце, светозарно лучами озаряющая мир, и тьму нощи злых духов от нас отгоняющая. Днесь небесныя силы святых Ангел, и души праведных мысленно торжествуют радующеся. Днесь и мы грешнии припадающе молимся: Отче Преподобие Авраамие, Христа Бога моли непрестанно, спасти град наш Смоленск и люди, любезно Тебе почитающия.

Кондак, глас 3

Возсия, Господи, граду Твоему Смоленску, память твоего угодника, яко светлое солнце, радостно всех яко лучами озаряюши, паче же молитвы Пречистыя Твоея Матере, от всех бед избавляют нас, и упраздняют варварская шатания: тем мы, людие твои, и град наш Смоленск вельми хвалимся, и спасаемся молитвами твоего угодника Авраамия Преподобного отца нашего.