 |
Тропарь,
глас 4:
Иже от юности,
Богомудре, возследуя Христу во бдениих и в пощениих пребывая,
и паству от Бога дарованную ти добре пасый и учений Божественных
исполняя и в жизненный путь наставляя: отнюду же и архиерейства
саном почтеся, церковь и люди возвеселил еси; и по преставлении
своем чудес лучи испущаеши, недугом с верою приходящим исцеление
подая, и слепу младенцу свет дарова, Угодниче Христов, Святителю
Антоние, предстоя престолу Христову с лики Ангельскими,
с ними же моли Его о нас, притекающих к честной твоей раце,
получити от Него оставление грехов и велию милость.
Святиелю
отче Антоние, моли Бога о нас
(память
в Неделю 3-ю по Пятидесятнице в день празднования собора
Вологодских святых и в воскресенье перед 28 июля ст. ст./10
августа н.ст. в день празнования собора Смоленских святых) |
Кондак, глас 8
Возвеселися, Христова честная Церковь, приимши
тя в недра своя пастыря и учителя; мы же вернии людие прославляем
Подавшаго ти благодать неоскудну, яже твориши преславная чудеса
от честныя сия раки. Тем, Святителю, не престай моля Христа, Ему
же угодил еси, о нас хвалящих и чтущих тя, к честней раце твоей
притекающих, подати милость зде и в день судный, да зовем ти:
радуйся, Святителю Антоние, граду нашему похвала и утверждение!
Молитва
О священная главо, богоносне отче наш, богомудре
святителю Христов Антоние, пастырю наш добрый. Градов Вологды
и Перьми архиерею преславный и украшение пресветлое. Предивный
чудотворче, ко святым мощем твоим (ко святей иконе твоей) притекающе,
усердно молим тя: призри на ны, память твою совершающих и под
кров молитв твоих ныне прибегающих, пролей теплое твое моление
ко Спасу всех, яко да оградит миром державу нашу, святыя обители,
грады и веси ея и град наш добре да сохранит, благочестие людем
Своим дарует, Православную же Церковь паки и паки да утвердит
и исполнит вся благая прошения рабовь Своих, яже ко спасению.
Еще же тя молим о Великом Господине и Отце нашем,
Святейшем Патриарсе Московстем и всея Руси Алексии и о Господине
нашем (приемнике твоем Преосвященнейшем епископе Максимилиане),
да покрыет я Бог всесильною Своею Десницею и дарует им право правити
Слово Твоея Истины.
О всепозлащенный сосуде Всесвятаго Духа, буди
нам ходатай вечных благ, да прославляем дивнаго во святых угодницех
Своих Бога Нашего Отца и Сына и Святаго Духа, всегда, ныне и присно
и во веки веков.
Аминь.
   
ОБРАЗ СВЯТИТЕЛЯ АНТОНИЯ. Статья
с кратким жизнеописанием святителя.
Образ святителя Антония Вологодского и Великопермского, чьи мощи
были обретены в 1998 г.в Софийском соборе и покоятся в храме Святителя
Николая во Владычной слободе г. Вологда – храме, где святитель
Антоний служил в конце XVI в
|
